સૌપ્રથમ સરગવાનું શાક બનાવવા માટેની સામગ્રી ભેગી કરી લેવી. એક કુકર લઈ તેમાં સરગવાની સીંગ ના કટકા અને પાણી નાખી અને એક સીટી વગાડવી. લસણ આદુની પેસ્ટ બનાવી લેવી.ત્યારબાદ કુકરમાં તેલ મૂકી અને રાઈ જીરૂનો વઘાર કરવો ત્યારબાદ રાઈ તતડી જાય એટલે હીંગનાખી અને લસણ આદુની પેસ્ટ નાંખવી.

ત્યારબાદ જે બાફેલી સીંગ છે તે ઉમેરવી. પછી તેમાં બધા મસાલા કરવા. સ્વાદ પ્રમાણે મીઠું નાખવું. જે પાણી બચેલું હોય કુકરમાં તેજ શાકમાં ઉમેરવું. સરગવો અને પાણી છે તે વઘારમાં નાખવું.ઉપર થોડો ચણાનો લોટ ભભરાવી અને થોડી વાર ચઢવા દેવું. તૈયાર થઇ જાય એટલે તેમાં કોથમીર ઉમેરવી. રસો કરવા માટે પાણીની જગ્યાએ તમે છાશ પણ નાખી શકો.

કાકડી ટમેટા નું સલાડ બનાવ્યુ. પાપડ ની જગ્યાએ ચોખાના ડબકા ને તળી લીધા.રોટલીના લોટ માં મોણનાખી અને લોટ બાંધો અને રોટલી વણીને રોટલી બનાવી.

કાચી કેરી ના તાજા અથાણા માટે કાચી કેરીને બરાબર લૂછી લેવી ત્યારબાદ તેના કટકા કરવા પછી તેમાં આચાર મસાલો નાખવો અને તેલ નાખવું હિંગ નાખી અને તેને ચમચીથી હલાવી એટલે તાજુ અથાણું તૈયાર.

ત્યારબાદ રોટલી બનાવી લેવી. છાશમાં કાજુ બનાવેલો ઘર નો મસાલો નાખી અને બધું પીરસીને સર્વ કરવું. તૈયાર છે આપણું અસલ કાઠીયાવાડી ડિનર.