1 વાસણ માં પાણી ગરમ મૂકો. તેમાં બધા ખડા મસાલા ઉમેરો. ઉકળવા લાગે એટલે ચોખા ઉમેરો અને કૂક કરી લો. ચોખા સંપૂર્ણ કૂક નથી કરવાના. 80% કૂક કરીશું.

ત્યારબાદ પાલક અને ફુદીનાને બાફી લો અને તેની પેસ્ટ તૈયાર કરો. ત્યારબાદ 1 પેન માં ઘી ગરમ કરો. તેમાં જીરું, તજ, લવિંગ, ઈલાયચી, લીલા મરચાં અને આદુ લસણ ની પેસ્ટ નાખો અને સાંતળો. 1 મિનિટ પછી ઝીણી સમારેલી ડુંગળી નાખો અને સાંતળો. મીઠું ઉમેરો તેથી જલ્દી સંતળાઈ જશે. ડુંગળી સંતળાઈ જાય પછી ટામેટું નાખો. ટામેટું સોફ્ટ થઈ જાય પછી તેમાં ગરમ મસાલો અને બિરયાની મસાલા ઉમેરો અને સરખું હલાવી લો. પછી તેમાં પાલક અને ફુદીનાની પેસ્ટ ને એડ કરો અને સાંતળો. ત્યારબાદ તેમાં બાફેલા વટાણા એડ કરો.

ત્યારબાદ તેમાં રાઈસ એડ કરવા અને મિશ્રણને બરાબર મિક્ષ કરીને બેથી ત્રણ મિનિટ માટે ધીમા તાપે ગેસ પર રાખવું. ત્યારબાદ ગેસ બંધ કરીને કોથમીર અને કાજુ નાખીને ગાર્નીશિંગ કરવું. તો ચલો મિત્ર ગરમાગરમ બિરયાની ની રાયતા સાથે મજા લો!