સૌ પ્રથમ ટામેટા અને કેપ્સીકમ ને ધોઈ ને કોરા કરી લેવા. હવે ગેસ પર એક જાળી મૂકીને એના પર ટામેટા અને કેપ્સીકમ ને એની છાલ કાળી થઈ જાય ત્યાં સુધી શેકી લેવા. હવે તેને એક પ્લેટમાં કાઢીને ઠંડા થવા દેવા ત્યારબાદ તેની છાલ ઉતારી લેવી. થોડી છાલ ચોંટી રહે એનો કોઈ વાંધો નથી કેમ કે એના લીધે સાલસામાં વધારે સ્મોકી ફ્લેવર આવે છે જે એને ખુબ જ સરસ સ્વાદ આપે છે.

હવે બંને ને મોટા ટુકડામાં કાપીને એક ચીલી કટર માં લીલા મરચા ની સાથે ઉમેરી ને ચોપ કરી લેવા. મેન્યુઅલ અથવા ઈલેક્ટ્રીક ચોપર અથવા તો ચોપિંગ બોર્ડ પર પણ એકદમ બારીક સમારી શકાય.

હવે તેને એક વાસણમાં લઈને તેમાં ઝીણા સમારેલા કાંદા, ટોમેટો સોસ, લીલા ધાણા, મીઠું, મરી, ખાંડ અને વિનેગર ઉમેરી બધું બરાબર હલાવી લેવું.