સૌપ્રથમ હાંડવાના લોટમાં ઘઉંનો ફાડો મીક્સ કરી તેલથી મોઈ લેવો.હવે તેમાં મેથી દાણા નાખી, દહીં નાખી ખીરું તૈયાર કરો.૩ કલાક સુધી ઢાંકી ને મુકી રાખો.

હવે આ મિશ્રણમાં મીઠું, હળદર, ખાંડ નાખી મિક્સ કરી લો.હવે તેમાં મેથીની ભાજી,આદુ, મરચાં, લસણ ની પેસ્ટ નાખી મિક્સ કરો.વઘારીયામાં તેલ ગરમ કરો.રાઈ નાખી ક્રેક થાય એટલે તેમાં હિંગ,સુકા મરચા, મીઠી લીમડી, તલ નાખી વઘાર તૈયાર કરો.આ વઘાર ખીરામાં નાખી મિક્સ કરી લો.હવે સોડા નાખી ફરીથી મિક્સ કરી લો.આ ખીરાને પ્રિ હિટેડ, તેલ લગાવેલ હાંડવા ના વાસણમાં નાખી ઢાંકણ ઢાંકી દો.ધીમા તાપે ૨૫ મિનિટ સુધી રહેવા દો.ટુથપીક નાખી ચેક કરો.ઠંડો પડે પછી જ પીસ પાડવા.આ હાંડવો ગ્રીન ચટણી, મીઠી ચટણી આથેલા મરચાં,ચા સાથે ટેસ્ટી લાગે છે.