સૌપ્રથમ એક કપ ઘી માંથી ૨ થી ૩ ચમચી ઘી લઈ ગરમ કરો તેમાં ૩ ચમચી દૂધ ઉમેરી બરોબર ગરમ થાય એટલે અડદના લોટમાં નાખી તેને બરોબર મિક્સ કરી ધાબો આપી દો..દસથી પંદર મિનિટ રેસ્ટ આપો. (લોટમાં મૂઠી પડતું ઘી ઉમેરવું ૩ ચમચી કરતાં વધારે ઘી જોઈએ તો લેવું)

હવે ધાબો આપેલા લોટને ઘઉંના ચારણામાં ભાર દહીં ચાળી લેવું જેથી મોટું કણું પડે... હવે એક કડાઈમાં બાકી નું ઘી ગરમ કરવા મૂકવું ઘી એકદમ ગરમ થાય એટલે ચાળેલો લોટ તેમાં ઉમેરી બરોબર મિક્સ કરી સતત હલાવતા રહો લોટ એકદમ શેકાય સુગંધ આવે અને લાલાશ પકડે ત્યાં સુધી શેકો

હવે ગેસ બંધ કરી એકથી બે મિનિટ માટે હલાવી ગરમ વરાળ બહાર નીકળે પછી બાકીની બધી જ વસ્તુ તળેલો ગુંદર, મીક્ષ ડ્રાયફ્રુટ ઇલાયચી પાઉડર મિક્સ કરી એકદમ હલાવી ત્યારબાદ ખાંડ નું બુરુ નાંખી બરાબર મિક્સ કરી હલાવી લેવું.

તૈયાર થયેલા લચકો અડદિયા ને ગરમાગરમ સર્વ કરો અથવા ઘી થી ગ્રીસ કરેલી થાળી માં ઢાળી થોડીવાર પછી કાપા પાડી પીસ કરી સર્વ કરો. મેં નહીં ઢાળી અને કાપા પાડી સર્વ કર્યા છે.