સારગવાના પાન ની દાળ ઢોકળી બનાવાની રીત;
સૌ પ્રથમ એક કુકરમાં તુવેરદાળ લઈને ત્રણ થી ચાર વાર સાફ પાણીથી ધોઈને નિતારી લો.

તુવેરદાળ બાફતી વખતે તેમા મીઠું, હળદર, એક ટમેટું કાપીને નાંખો હવે તેમાં લીમડાના પાન નાંખો એક લીલું મરચું કાપીને આદું ખમણીને નાંખો હવે તુવેર ની દાળ માં પાણી નાખી ને બાફી લેવી. છ થી સાત વિશલમાં તો તુવેરદાળ સરસ બફાઈ જાય છે.

હવે તુવેરદાળ બફાઈ જાય પછી તેમાં હેન્ડ બ્લેન્ડર ફેરવીને એકરસ કરી લો હવે આદું,મરચું, લીંબડો, તેમજ ટમેટા દાળમાં સરસ મિક્સ થઈ જાય પછી દાળ બફાઈ જાય એટલે તેમાં જરૂર મુજબ પાણી નાખી ઉકાળવા દો.

હવે એક વાસણ માં ઘઉં નો લોટ લઇ તેમા મીઠું, હળદર, મરચું પાવડર, ધાણાજીરું પાવડર અને તેલ નાખી ઢોકળી નો લોટ બાંધી લો અને હવે રોટલા વણી ચપ્પુથી કાપા પાડી ઢોકળી નાખી મીક્સ કરતા રહો.

દાળ ઢોકળી ઉકળી ગયા બાદ વઘાર કરવા માટે એક વાસણ માં તેલ ગરમ કરવા મુકો તેલ ગરમ થયા પછી વઘારમાં રાઈ નાંખો. રાઈ તતડી ગયા બાદ તેમાં તજ, લાલ મરચા તમાલ પત્ર હિંગ લાલ મરચું, બાદિયા અને મીઠો લીમડો, સમારેલા સારગવાના પાન દાળનાં વઘારમાં નાંખો. અને પછી આ વઘારને દાળમાં નાંખો

હવે દાળમાં સીંગદાણા નાંખો અને દાળમાં ઉભરો આવે એટલે ગોળ અને લીંબુનો રસ નાંખીને થોડી વાર દાળ ઉકળવા દો હવે એક પ્લેટ માં "સારગવાના પાન ની દાળ ઢોકળી" લઇ સર્વ કરો.
ધનેશ્વરી કિરણકુમાર જોશી...🌹