બાસમતી ચોખાને ૨૦ મિનિટ માટે પલાળી દેવા.

એક મોટા વાસણમાં ૫ ગ્લાસ પાણી ગરમ કરવા મૂકવું. તેમાં તમાલપત્ર, એલચી, તજ અને લવિંગ નાંખવું. પાણી ઉકળે પછી તેમાં પલાળેલા ચોખા નાંખીને થવા દેવું. ચોખા ૮૦ % જેટલા ચઢી જાય એટલે તેને ઓસાવી દેવા.

ઝીંગાને સારી રીતે છોલીને બરાબર ધોઈ લેવા. પછી તેમાં આથવાની બધી સામગ્રી મિક્સ કરી દેવી પછી ઝીંગાને ૨૦ મિનિટ માટે ઢાંકીને બાજુ પર મૂકી દેવા.

એક પેણીમાં તેલ મૂકવું. પછી તેમાં ઝીણા કાપેલા કાંદા સાંતરવા. કાંદા બદામી થાય પછી તેમાં કાપેલા ટામેટાં નાંખીને સાંતરવા.

તેલ છૂટું પડે પછી તેમાં આઠેલાં ઝીંગા નાંખવા. ૧૦ મિનિટ થવા દેવું. પછી તેમાં કેપ્સીકમ, તળેલો કાંદો, કોથમીર અને ફુદીનો નાંખીને બરાબર મિક્સ કરવું.

એક જાડા તળિયાવાળું વાસણ લેવું. તેમાં ઘી ચોપડવું. પછી થોડો ભાત પાથરવો. તેની ઉપર તળેલો કાંદો અને કોથમીર ભભરાવવી. પછી ઝિંગાની ગ્રેવી પાથરવી.

ફરી ભાત પાથરવો. અને બધા પડ પાછા એ જ રીતે પાથરવા. સૌથી ઉપર ભાત નું પડ આવવું જોઈએ.

લીલાં અને કેસરી ફૂડ કલરને થોડા પાણીમાં મિક્સ કરવા.

સૌથી ઉપરના ભાત ની ઉપર બંને ફૂડ કલરના ટીપાં નાંખવા. તેની ઉપર તળેલા કાંદા, લીલાં કાંદા, ઘી, બિરયાની મસાલો અને કોથમીર ભભરાવવી.

બિરયાનીને ઢાંકીને ધીમા ગેસ પર ૨૦ મિનિટ માટે થવા દેવી.