સૌપ્રથમ તુરિયા ને ધોઈ તેની છાલ ઉતારી સમારી લો.

એક કઢાઈમાં તેલ ગરમ કરી તેમાં રાઈ ઉમેરો. રાઈ તતડે એટલે હીંગ ઉમેરો. સમારેલું ટમેટું અને વાટેલું લસણ ઉમેરીને થોડીવાર સાંતળો.

હવે તેમાં તુરિયા ઉમેરો. મીઠું અને હળદર ઉમેરીને મિક્સ કરો. થોડું પાણી ઉમેરીને ઢાંકીને ચઢવા દો.

તુરિયા ચઢી જાય એટલે તેમાં લાલ મરચું પાઉડર, ધાણા જીરું પાઉડર ગરમ મસાલો, ગોળ અને સમારેલી કોથમીર ઉમેરીને મિક્સ કરો. જરૂર હોય તો થોડું પાણી ઉમેરો. ૨-૩ મિનિટ સુધી થવા દો.

છેલ્લે તેમાં સેવ ઉમેરો. તૈયાર છે સ્વાદિષ્ટ સેવ તુરિયા નુ શાક. રોટલી,પરાઠા અથવા ભાખરી સાથે પરોસો.