સૌ પ્રથમ એક ઊંડા બાઉલ માં લોટ માટે મેંદો લો. એની પહેલાં દૂધ ની અંદર વિનેગર નાખી ને ૧૦ મિનીટ સાઇડ માં રાખી દો. ત્યાં સુધી લોટ માં ખાંડ ઉમેરો.

ત્યારબાદ બેકિંગ પાઉડર, બેકિંગ સોડા, અને મીઠું નાખી મિક્સ કરો.

ત્યારબાદ લોટ માં પીગળેલું બટર નાખી ને વિનેગર વાળું દૂધ થોડું થોડું નાખતા જઈ ને રોટલી જેવો સુવાળો લોટ બાંધી લો.

આ લોટ ને ૧૫ મિનીટ માટે કપડું કે ઢાંકણ ઢાંકી ને સાઇડ માં મૂકી દો. ત્યાં સુધી એક નાના બાઉલ માં બટર માં બ્રાઉન ખાંડ, તજ નો પાઉડર નાખી ને સીનેમન (તજ)પેસ્ટ બનાવી લો. ધ્યાન રાખવું કે બટર અગાઉ ફ્રીઝ માં થી બહાર કાઢેલું હોવું જોઈએ.

હવે જે લોટ ઢાંકી ને મૂકેલો તેને બહાર કાઢી ને ફરીથી ૫ મિનીટ માટે સરખો મસળી લો.જેથી વણવા માં સહેલાઇ રહે.. હવે તૈયાર થયેલા લોટ નાં લુઆ ને એકસરખો લંબચોરસ આકાર માં વણી લો.

વણેલા લંબચોરસ રોટલા પર તૈયાર કરેલી તજ ની પેસ્ટ (સીનેમન) સરખી રીતે બધી જગ્યાએ લગાવી દો. પછી ઉપર નો ભાગ ને નીચે નો ભાગ જોઇન્ટ કરી ને (બુક ફોલ્ડ)નો આકાર આપી દો. અને ફરીથી એક વેલણ ફેરવી દો. જેથી તજ ની પેસ્ટ સરખી ચોંટી જાય..

હવે તેના સરખાં ભાગ પાડી લો. એક ભાગ લઈ ચપ્પા થી ઊભા ૨ કાપા પાડી ને ચોટલી નો સેપ આપી ને નીચે થી જોઇન્ટ કરી લો. તૈયાર કરેલા રોલ ને કપ કેક મોલ્ડ માં મૂકી દો.. બધાં રોલ એવી રીતે જ તૈયાર કરી લો.

હવે એક પેન માં નીચે મીઠું પાથરી ને પેન ને રોલ મૂકતા પહેલા ગરમ કરવા મૂકો. હવે તેમાં એક કાથો મૂકી ને કાણા વાળી ડિશ મૂકી ને તૈયાર કરેલાં રોલ્સ ને મોલ્ડ માં મૂકી ને ઢાંકણ ઢાંકી ને ૨૦ મિનીટ માટે ફુલ ગેસ પર શેકવા માટે મૂકો.. પહેલી ૧૦ મિનીટ થાય એટલે ખોલી ને ચેક કરવું.. અને ગેસ મીડિયમ કરી દેવો.. જેથી રોલ્સ બળી નાં જાય.. ખાસ ધ્યાન રાખવું..

૨૦ મિનીટ બાદ ઢાંકણ ખોલી ને બટર થી રોલ્સ પર બ્રશ કરવું જેથી રોલ્સ કોરા નાં પડી જાય.. તો તૈયાર છે ઉપર થી કડક અને અંદર થી સોફ્ટ એવા સિનેમન રોલ્સ ટેસ્ટી ટેસ્ટી..

સર્વ કરો ગ્રીન ટી સાથે એકદમ ટેસ્ટી અને યમ્મી સિનેમન રોલ્સ 🌹👌☺️👍😊😋😍❤️