સૌ પ્રથમ ગેસ ચાલુ કરી, નોનસ્ટીક પેનમાં (તાવડીમાં) ૨ ચમચી ઘી+ ૧ ચમચી માખણ નાંખી, ગરમ થાય એટલે તેમાં આદું- લસણની પેસ્ટ નાંખી ૧ મીનીટ સાંતળવું.

હવે તેમાં કાંદા નાંખી ગોલ્ડન બ્રાઉન થાય ત્યાં સુધી સાંતળવું. પછી તેમાં કેપ્સીકમ નાંખી બરાબર પકવવું.

હવે તેમાં હળદર, ધાણાજીરૂ પાઉડર, ગરમ મસાલો નાંખી હલાવી લેવું. પછી તેમાં ટમેટાં નાંખી ગેસ મોટો કરી ખુબ પકવીશું.

હવે તેમાં લાલ મરચુ નાંખી હલાવી લેવું. પછી ૧/૨ કપ પાણી નાંખી સરસ રીતે પકવવું. અને પછી સ્વાદ મુજબ મીઠું નાંખી હલાવી લેવું. લગભગ બધું પાણી બળી જાય ત્યાં સુધી પકવવું.

હવે તેમાં પનીરને હાથથી હલકું મસળીને નાખવું, (છીણીને પણ નાંખી શકાય.)અને ખુબ સરસ રીતે મીક્ષ કરવું. હવે ૨ ચમચી દુધમાં તાજી મલાઈ નાખી હલાવી લેવું. છેલ્લે ૧-૨ ચમચી માખણ નાંખીશું. તેનાથી સબ્જીનો સ્વાદ અને ચમક વધી જશે.

હવે આપણી બહુ જ સરસ પનીર ભુર્જીની સબ્જી તૈયાર છે.તમે બટર નાના, બટર રોટી કે બટર પરાઠા સાથે ખાઈ શકો.😋😋😋👌☺️