સૌપ્રથમ એક પેનમાં તેલ અને બટર મુકી તેમાં સમારેલુ લસણ અને આદુ નાંખી સાંતળી લેવું. સંતળાય જાય એટલે તેમાં ચોપ કરેલા કાંદા ઉમેરી ગુલાબી થાય ત્યા સુધી સાંતળી લેવું.

ત્યારબાદ કાંદા સંતળાઈ જાય એટલે તેમાં ઝીણા સમારેલા કેપ્સીકમ ઉમેરી મિક્સ કરી કેપ્સીકમ સોફટ થાય ત્યા સુધી સાંતળી લેવું.હવે તેમાં હળદર, ધાણા જીરું પાઉડર, ગરમ મસાલો, કીચન કીંગ મસાલો ઉમેરી મિક્સ કરી સાંતળી લેવું. હવે તેમાં સમારેલા ટામેટા ઉમેરવું.

ત્યારબાદ ટામેટા ગળી જાય ત્યા સુધી થવા દેવું. તેમાં મીઠું ઉમેરી મિક્સ કરી બે મિનિટ સુધી થવા દેવું મિશ્રણ ડ્રાય થઈ જાય એટલે તેમાં પા કપ પાણી ઉમેરવું. હવે તેમાં લાલ મરચું પાઉડર નાંખી બરાબર મિક્સ કરી લેવું.

ત્યારબાદ તેમાં એક ચમચી લીલા ધાણા નાખી મિક્સ કરી થવા દેવું. હવે તેમાં એક કપ છીણેલુ પનીર ઉમેરી મિક્સ કરી તેમાં મલાઈ અથવા કીમ ઉમેરી બરાબર મિક્સ કરી તેમાં ફરી થોડું પાણી ઉમેરી મિક્સ કરવું. હવે તેમાં કસુરી મેથી ઉમેરી બટર નાંખી મિક્સ કરી બે થી ત્રણ મિનિટ સુધી થવા દેવું પછી સબ્જી ને ગરમ ગરમ સર્વ કરવું.