સૌ પ્રથમ નુડલ્સ અને રાઈસ ને ભેળ બનાવવા ની ૨કલાક અગાઉ થી બાફી રાખી દેવાના છે. જેથી ઠરી પણ જાય અને એકદમ છ્ટ્ટા રહે.અને કોરા થઈ જાય.એક તપેલી માં પાણી ગરમ મૂકી તેમાં ૧/૨ ચમચી મીઠું અને તેલ નાખી નુડલ્સ બાફી લેવા અને આ રીતે ચોખા પણ બાફી લેવા બંને અલગ જ બાફવા ના છે.પછી કાણાં વાળા વાસણ મા ઠરવા દો.આ નુડલ્સ બફાઈ જાય એટલે તેના પર તરતજ ઠંડુ પાણી રેડી દો. એટલે એકબીજા થી ચોંટશે નહી.

ત્યારબાદ હવે મંચુરિયન બનાવવા માટે ગાજર કોબી ડુંગળી અને લસણ મરચા ને ચો પર વડે જીણું કરી એક બાઉલ માં નાખી દો.ત્યારબાદ તેમાં બધા થોડા સોસ મીઠું અને મરચું પાઉડર નાખી તમારા સ્વાદ અનુસાર એડ કરી શકો છો.મિક્સ કરી લો.

ત્યારબાદ તેમાં કોર્ન ફ્લોર તપકીર અને મેંદો એડ કરો. પાણી નથી એડ કરવાનું એટલે આ બધા લોટ તમારે ભજીયા જેવું બેટર બનાવવા નું છે તો એ મુજબ લોટ એડ કરવાના છે.

આ બેટર રેડી કરી એક કડાઈ મા તેલ ગરમ કરી આ બેટર માંથી હાથ વડે ગોળ ભજીયા પડવાના છે. ધીમી આચ પ્રર આ બધા મંચુરિયન બ્રાઉન ગુલાબી તળી લો.

આ રીતે રાઈસ નુડલ્સ અને મંચુરિયન બધું રેડી કરી લૉ. ત્યારબાદ એક કડાઈ મા તેલ ગરમ કરી રાઈસ અને નુડલ્સ ને ધીમી આચ પર ફ્રાય કરી લો. આ નુડલ્સ સરસ કડક થઈ જશે.ત્યારબાદ બધા વેજીટેબલ ને લાંબી ચીર માં કાપી લો.

આદુ લસણ અને મરચા ની પેસ્ટ કરી લો. ત્યારબાદ એક ચાઈનીઝ કડાઈ મા ૩ચમચી તેલ ગરમ મૂકો.ત્યારબાદ તેમાં આદુ લસણ ની પેસ્ટ એડ કરો.પછી ડુંગળી ની સ્લાઈસ એડ કરો અને તેને ગુલાબી થવા દો.

ત્યારબાદ તેમાં બાકીનાં વેજીટેબલ પણ એડ કરી દો અને જરા હલાવી બધા સોસ એડ કરી દો.ત્યારબાદ નુડલ્સ અને રાઈસ એડ કરી બે ચમચા વડે બધું સરસ મિક્સ કરી લો. અને એક ચમચી મરચું મીઠુ અને લીંબુ એડ કરી દો.

ત્યારબાદ તેમાં મંચુરિયન એડ કરી દો.આ મંચુરિયન મે અહી નાના જ બનાવ્યા છે જો મોટા હોઈ તો બે કટકા કરી પછી એડ કરવા એટલે બધા મસાલા સરસ મિકસ થઈ જાય.આ ત્યાર છે ચાઈનીઝ ભેળ.આ ભેળ કોથમીર વડે ગાર્નિશ કરી સર્વ કરો. મે અહી કોથમીર અંદર જ એડ કરી છે કેમકે મારા બાળકો ને તેનો ટેસ્ટ નથી ભાવતો.