સૌપ્રથમ એક મોટા વાડકામાં બાસમતી રાઈસ લઈ રાઈસ ને ધોઈને 15 મિનિટ માટે પલળવા માટે મૂકી દેવા. એવી જ રીતે સોયાબીન અને લીલા વટાણાને પણ પલાળી દેવા.

ત્યારબાદ ડુંગળીને સ્લાઈસમાં કાપી ને થોડા તેલમાં ડુંગળીને ગોલ્ડન બ્રાઉન કરી લેવી ગોલ્ડન બ્રાઉન થઈ જાય ત્યારબાદ તેને કાઢીને એક ડીશમાં રાખવી.

ત્યારબાદ ગ્રીન ગ્રેવી બનાવવા માટે કોથમીર, ફુદીનો,લીલા મરચા, લસણ આ બધું પાણીથી ધોઈને તેને મિક્સર જારમાં વાટી લેવું.

કાજુ અને બદામ ને પણ થોડા તેલમાં ફ્રાય કરી લેવા. ત્યારબાદ હવે એક કુકરમા તેલ ગરમ કરવા મુકો તેલ ગરમ થઈ જાય ત્યારબાદ તેમાં બધા ખડા મસાલા નાખી દેવા.

ત્યારબાદ બનાવેલી ગ્રેવી પણ તેલમાં નાખી દેવી અને બરાબર મિક્સ કરી લેવી ત્યાર બાદ એમાં ફણસી સીમલા મરચા લીલા કાંદાનો વ્હાઈટ ભાગ આ બધું નાખીને બરાબર મિક્ષ કરી લેવું. અને બેથી ત્રણ મિનિટ સાંતળ્યા પછી સોયાબીન અને પલાળેલા વટાણા નાખી દેવા.

હવે એમાં બોળેલા બાસમતી ચોખાને નાખી દેવા અને બધું બરાબર મિક્સ કરી લેવું જરૂરિયાત મુજબ મીઠું પણ નાખવું. હવે એમાં જરૂરિયાત મુજબ પાણી નાખીને કુકર બંધ કરી લેવું અને ત્રણ સીટી થવા દેવી ત્યાં સુધી થઈ જાય ત્યારબાદ કુકર ખોલીને જોઈ લેવું.

હવે એક સર્વિંગ પ્લેટમાં પુલાવ લઈને એના ઉપર ગોલ્ડન બ્રાઉન કરેલી ડુંગળી, કાજુ,બદામ અને મંચુરિયન નાખીને સર્વ કરશુ.

તૈયાર છે ગરમા ગરમ વેજ હૈદરાબાદી ગ્રીન મંચુરિયન પુલાવ