બટાકા અને વટાણા બાફી લો. બાફેલા બટાકા ને મેશ કરી એમાં બાફેલા વટાણા, મીઠું, ગરમ મસાલો, આદું લસણ લીલા મરચાં ની પેસ્ટ, કોથમીર ફુદીનો સમારેલો, લીંબુ નો રસ,ખાંડ ઉમેરી બરાબર મિક્સ કરી લો.

કણક બાંધવા મેંદા માં મીઠું, સોજી, અજમો અને તેલ નું મોણ નાખી જરૂર મુજબ પાણી ઉમેરી નઈ સોફ્ટ અને નઈ કઠણ એવો લોટ બાંધી લો.

હવે કણક માં થી મોટા લુઆ કરી લો અને તેમાં થી એક મોટી રોટલી વણી એના એક સમાન બે ભાગ કરી લો. એમાં બનાવેલું સમોસા નું સ્ટફિંગ ભરો અને કિનારી ને સહેજ પાણી લગાવી ત્રિકોણ આકાર મા બંધ કરી લો. આ રીતે બધા સમોસા તૈયાર કરી લો.

તેલ ગરમ થાય એટલે એમાં સમોસા તળી લો. કોથમીર ની ચટણી સાથે સર્વ કરો. તૈયાર છે પંજાબી સમોસા...