સૌપ્રથમ બાફેલા બટાકા ને છીણીથી છીણી લો. જેથી કરીને તેમાં ગાંઠા ન રહે. ચણા ના લોટ અને ચોખાના લોટ ને ચારણીથી ચાળી લેવો.

એક તાસકમાં ચણાનો લોટ, ચોખાનો લોટ, બટાકાનું છીણ, મીઠું, સંચળ પાઉડર, ચાટ મસાલો, મરી પાઉડર, મીઠું, હળદર, લાલ મરચું પાઉડર આ બધું મિક્સ કરીને લોટ બાંધી લો. બટાકા અને મસાલા માંથી પાણી છૂટશે તેથી લોટમાં પાણી એડ કરવાની જરૂર નહીં પડે.

ગેસ પર તેલ ગરમ કરવા મૂકો. તેલ ગરમ થાય એટલે સેવના સંચામાં તેલવાળો હાથ કરી અંદરથી ગ્રીસ કરીને તૈયાર કરેલ સેવ ના લોટ ને અંદર ભરી મીડીયમ ફ્લેમ પર સેવ તળી લો. ક્રિસ્પી આલુ સેવ રેડી છે.

સેવ ઠંડી થાય એટલે સેવના થર ને દબાવી ભાંગી લો. એર ટાઈટ ડબ્બામાં ભરી લેવી 15 _ 20 દિવસ સુધી સારી રહેશે. આલુ સેવ ને સવારના નાસ્તામાં સર્વ કરી શકાય.