સૌ પ્રથમ સુરતી પાપડી,તુવેર ના દાણા,વટાણા માં થોડો ખાવા નો સોડા નાંખી મીક્સ કરી ૧૦ મિનિટ રહેવા દેવું.

એક બાઉલમાં મુઠીયા માટેની બધી સામગ્રી લઈ મીક્સ કરી જરૂર મુજબ પાણી ઉમેરી લોટ બાંધવો તેમાંથી નાના નાના ગોળા (મુઠીયા) વાળી તેને ગરમ તેલમાં ધીમા તાપે થોડા થોડા કરી તળી લેવા.

એક મિક્સર જાર માં ગ્રીન પેસ્ટ માટેની સામગ્રી લઈ તેને કકરી વાટી લેવી.ગ્રીન મસાલા ની બધી સામગ્રી લઈ તેને બરાબર મીક્સ કરી તેમાં વાટેલી ગ્રીન પેસ્ટ ને મીક્સ કરવી.થોડો ગ્રીન મસાલો સાઈડ પર રાખી બાકી ના મસાલા માં ખાવા નો સોડા ઉમેરી મીક્સ કરી લેવો.

એક કડાઈ માં તેલ ગરમ મૂકી તેમાં બટાકા,શક્કરિયા અને રતાળુ ને તળી લેવા.રીંગણ માં કાપા પાડી સોડા વાળો ગ્રીન મસાલો ભરી લેવો કેળા માં સોડા વગર નો મસાલો કાપા પાડી ભરી લેવો.

એક નોંઓસ્ટિક મોટા પેનમાં તેલ લઈ અજમો અને હીંગ થઈ વઘાર કરી તેમાં પેહલા પાપડી,તુવેર,વટાણા ઉમેરી ઉપર ગ્રીન મસાલા વાળી પેસ્ટ ઉમેટી હલાવી લેવું ઉપર ભરેલા રીંગણ મુકવા ઉપર બટાકા,શક્કરિયા,રતાળુ મૂકી ઉપર થોડો લીલો મસાલો ભભરાવી થોડું પાણી ઉમેરી ઢાંકીને ધીમા તાપે શાક ને ચડવા દેવું.

લગભગ ૯૦℅ નેવું શાક ચડી જાય પછી તેમાં સમારેલું ટામેટું તળેલા મુઠીયા,અને ભરેલા કેળા ગોઠવી ઢાંકીને ૮ મિનિટ થવા દેવું.પછી ગેસ બંધ કરી ૧૦ મિનિટ ઊંધિયું સીઝવા દેવું.ઉપર લીલા ધાણા અને લીલા લસણ ઉમેરવું.

સરવિંગ બાઉલમાં કાઢી ગ્રીન ચટણી,સેવ,જલેબી અને પુરી સાથે ગરમ ગરમ સર્વ કરવું.તો તૈયાર છે સુરતી ઊંધિયું.