સૌપ્રથમ ચોખા ધોઈને ૧/૨ કલાક પલાળી રાખો, પછી તપેલીમાં ૨ ગ્લાસ પાણી ઉકાળી તેમાં ચોખા, ઘી, મીઠું અને લીંબુનો રસ ઉમેરીને મિક્સ કરી લો. ૮૦℅ જેટલા ચોખા ચડવા દો, ત્યારબાદ તેને કાણાંવાળા વાસણમાં કાઢીને તરત જ તેની ઉપર ઠંડુ પાણી રેડી દો.

પછી એક કઢાઈમાં ઘી ગરમ કરી તેમાં જીરું ઉમેરીને સાંતળો. પછી તેમાં ભાત અને કોથમીર નાખી હલકા હાથે હલાવી લો, જીરા રાઈસ તૈયાર છે.

એક તપેલીમાં બધી દાળ ધોઈને ૧/૨ કલાક પલાળી રાખો. પછી તેને કૂકર માં દાળ, પાણી, હળદર ઉમેરીને ૪ સીટી વગાડી લો.

કડાઈમાં તેલ ગરમ કરી તેમાં આદુ-લસણની પેસ્ટ અને ડુંગળી ઉમેરીને સાંતળો. પછી ટામેટાં, મીઠું, હળદર, લાલ મરચું, ધાણાજીરું, ગરમ મસાલો નાખી સંતાળો.

મસાલામાંથી તેલ છુંટું પડે પછી તેમાં બાફેલી દાળ અને ૧ ગ્લાસ પાણી નાખી ઉકળવા દો.

વઘારીયામાં ઘી ગરમ કરી તેમાં જીરું, લસણ, લાલ સુકા મરચાં, કાશ્મીરી લાલ મરચું નાખી તૈયાર કરી લો. પછી તડકાને વઘારેલી દાળમાં નાખી મિક્સ કરી લો.