સૌ પ્રથમ પેન માં 1 ચમચી તેલ ગરમ કરી ડુંગળી સાંતળી લો.તેમાં લીલું મરચું અને આદુ ઉમેરી દો.હવે ગાજર અને કેપ્સિકમ એડ કરવા..બધું મિક્સ કરી એક જ મિનિટ સાંતળી લો.

હવે તેમાં બાફેલા બટાકા ગ્રેટ કરી ને ઉમેરવા.હવે પીઝા સીઝનીંગ,ઓરેગાનો,મરી પાઉડર,મીઠું,ગરમ મસાલો ઉમેરી બધું બરાબર મિક્સ કરી ને ઉતારી લો.તેને બીજા વાસણ માં ટ્રાન્સફર કરી ઠંડુ પડે એટલે તેમાં 6 બ્રેડ ના ક્રમ્શ અને ચીઝ ઉમેરી મિક્સ કરી લેવું.

હવે તેલ વાળો હાથ કરી ને તૈયાર કરેલા મિશ્રણ માંથી ફિંગર જેવા(નળાકાર) રોલ બનાવી લેવા.તેને કોર્ન ફ્લોર ની સ્લરી માં બોળી ને બ્રેડ ક્રમ્સ થી કોટ કરી લેવા.

અહી સુધી તૈયાર કરેલા ફિંગર રોલ ને આપણે એર ટાઈટ ડબ્બા માં ભરી ને ડીપ ફ્રીઝ માં અગાઉ થી સ્ટોર કરી ને 2-3 દિવસ રાખી શકીએ છીએ.હવે આ રોલ ને ગરમ તેલ માં મધ્યમ આંચ પર ગોલ્ડન અને ક્રિસ્પી થાય ત્યાં સુધી તળી લેવા.

તૈયાર છે પાર્ટી કે પ્રસંગો માં સ્ટાર્ટર માટે ના બ્રેડ ફિંગર રોલ.તેને સર્વ કરી શકાય.