સૌ પ્રથમ સોજી ના બેટર માટે એક બાઉલ માં દહીં ઉમેરી ફેટી લો. હવે આમાં મીઠું, લાલ મરચું પાઉડર, કાળા મરી પાઉડર, ચાટ મસાલો, આદુ + લીલા મરચાં ની પેસ્ટ, લસણ ની પેસ્ટ, શેકેલું જીરું પાઉડર, હિંગ, હળદર પાઉડર અને ધાણા પાઉડર ઉમેરી હેન્ડ વ્હિસ્કર થી બરાબર મિક્સ કરી લો.

ત્યારબાદ આમાં પાણી ઉમેરી હેન્ડ વ્હિષ્કર થી બરાબર મિક્સ કરી આમાં સોજી ઉમેરી બરાબર મિક્સ કરી લો અને આ બેટર ને સાઈડ પર રાખી દો.

હવે એક પેન મા તેલ ગરમ કરી તેમાં આદું + લીલા મરચાં ની પેસ્ટ ઉમેરી સાંતળી તેમાં ઝીણી સમારેલી ફણસી ઉમેરી થોડી વાર માટે સોતે કરી લો. ત્યારબાદ આમાં છીણેલું ગાજર અને મીઠું ઉમેરી બરાબર મિક્સ કરી ધીમી ગેસ ની આંચ પર 2 થી 3 મિનિટ માટે કૂક કરી લો.

હવે આ મિશ્રણ માં જીની સમારેલી લીલી કોથમીર ના પાન અને સોજી નું પલાળેલ બેટર ઉમેરી બરાબર મિક્સ કરી ચમચાથી સતત હલાવતા જઈ મિશ્રણ પેન છોડે ત્યાં સુધી 4 થી 5 મિનિટ માટે કૂક કરી લો. જો મિશ્રણ માં હજી મોઇસચર હોય તો હજી વધારે ગેસ ની આંચ પર રાખી મોઈસચર ઉડાડી મિશ્રણ ને ઠંડુ કરી લો.

હવે આ મિશ્રણ ના એકસરખા બોલ્સ બનાવી તેનો કટલેટ નો શેપ્ આપી દો. હવે મેંદો અને પાણી મિક્સ કરી સ્લરી બનાવી આમાં કટલેટ ને કોટ કરી બ્રેડ ક્રમ્બસ માં કોટીંગ કરી ફરીથી હાથ થી શેપ આપી દો.

હવે મીડિયમ ગેસ ની આંચ પર તેલ ગરમ કરી કટલેટ ને ફાસ્ટ ગેસ ની આંચ પર ક્રિસ્પી તળી લો.

હવે આપણી એકદમ ક્રન્ચી અને ક્રિસ્પી સોજી વેજ કટલેટ તૈયાર છે સર્વ કરવા માટે. આ કટલેટ ને સર્વ કરો.