திண்டுக்கல் தலப்பா கட்டி மட்டன் பிரியாணி

முதலில் மட்டனை ஒரு ஸ்பூன் மஞ்சள் தூள் உப்பு சேர்த்து குக்கரில் வேக வைத்து எடுத்து கொள்ளவும்.சீரகம். சோம்பு, மல்லி, மிளகு, பட்டை, கிராம்பு, ஏலக்காய், பிரிஞ்சி இலை, காய்ந்த மிளகாய், முந்திரி பொடித்து கொள்ளவும். சின்ன வெங்காயம் இஞ்சி பூண்டு, பச்சை மிளகாய் அரைத்து கொள்ளவும்.

சட்டியில் 4 தேக்கரண்டி எண்ணெய் 2 தேக்கரண்டி நெய் சேர்த்து அரைத்த விழுதை அதனுடன் சேர்த்து அதன் நிறம் மாறும் வரை நன்கு வதக்க வேண்டும். பின்பு பிரியாணி மசாலாவையும் சேர்த்து வதக்க வேண்டும்.பின் அதில் வேக வைத்த மட்டன், ஒரு எலுமிச்சை பழத்தின் சாறு. தயிர் சேர்த்து நன்கு கிளறவும்.பின்பு புதினா., கொத்தமல்லி சேர்த்து1:2 என்ற கணக்கில் தேவையான அளவு தண்ணீர் சேர்த்து கொதிக்க விடவும்.

கொதி வந்ததும் 20 நிமிடம் ஊற வைத்த அரிசியை சேர்க்கவும். தேவைக்கேற்ப உப்பு சேர்த்து கொள்ளவும்.பின் நன்கு கொதித்ததும் அதன் மேல் சிறிது கொத்தமல்லி புதினா இலைகள் தூவி 2 ஸ்பூன் நெய் விட்டு 30 நிமிடம் தம் போடவும்.பின் 15 நிமிடங்கள் கழித்து பரிமாறவும். சுவையான திண்டுக்கல் தலப்பா கட்டி பிரியாணி தயார்!!!!