கேரட் பீன்ஸ் குருமா  /Carrot Beans Kurma

பெரிய வெங்காயம் 1 தோல் நீக்கி கழுவி நறுக்கி வைக்கவும். தக்காளி 2 கழுவி நறுக்கி வைக்கவும்.கேரட் 2 தோல் நீக்கி, பீன்ஸ் 7 கழுவி நறுக்கி வைக்கவும்.தாளிக்க பட்டை 1,ஏலக்காய் 2,கிராம்பு 2,சீரகம் 1/2 டீஸ்பூன் எடுத்து வைக்கவும். தேங்காய் துருவல் மசாலா அரைக்க 3 டேபிள் ஸ்பூன் எடுத்து வைக்கவும்.

தேங்காயுடன் சோம்பு 1/2 டீஸ்பூன்,முந்திரி 4, கசகசா 1/2 டீஸ்பூன்,இஞ்சி 1/2 இன்ச்,2 பச்சை மிளகாய் மிக்ஸி ஜாரில் சேர்த்து சிறிது தண்ணீர் விட்டு நைசாக அரைத்து வைக்கவும்.கொத்தமல்லி தழை கழுவி எடுத்து வைக்கவும்.

கருவேப்பிலை சிறிது கழுவி எடுத்து வைக்கவும்.குக்கரில் தேங்காய் எண்ணெய் 2 டீஸ்பூன் விட்டு பட்டை கிராம்பு,ஏலக்காய்,சீரகம் தாளித்து நறுக்கிய வெங்காயம் கருவேப்பிலை வதக்கி,

பொன்னிறமானவுடன், தக்காளி,நறுக்கிய கேரட் பீன்ஸ் 2 நிமிடம் வதக்கி தனியா தூள் 1/2 டீஸ்பூன்,மிளகாய் தூள் 1/2 டீஸ்பூன் சேர்த்து கிளறி விடவும்.

உப்பு, தண்ணீர் சிறிது விட்டு அரைத்த விழுதை சேர்த்து கலக்கி விடவும்.

நன்கு கலக்கி குக்கரில் 2 விசில் வேக விடவும்.குக்கரில் இருந்து கிண்ணத்திற்கு மாற்றி கொத்தமல்லி தூவி எலுமிச்சை சாறு 2 துளி விட்டு கலக்கி பரிமாறவும்.

இட்லி தோசை இடியப்பம் சப்பாத்திக்கு ஏற்றது.டேஸ்ட் சூப்பர்.😋😋