கோதுமை பரோட்டா வித் காய்கறி குருமா (Kothumai parota with kaikari kurma Recipe in Tamil)

பரோட்டா:- முதலில் பரோட்டாவுக்கு கோதுமை மாவுடன் தேவையான அளவு உப்பு தண்ணீர் மற்றும் எண்ணெய் சேர்த்து நன்றாக கலந்து கையினால் மாவை இழுத்து இழுத்து மாவை பிசைந்து 3-4 மணி நேரம் ஊறவைத்து கொள்ளவும்... மாவின் மேல் 2 டீஸ்பூன் எண்ணெய் விட்டு தேய்த்து ஒரு ஈரத் துணியை கொண்டு மூடி வைக்கவும். பின்னர் சாப்பாத்தி தேய்ப்பது போல் தேய்த்து ஒரு கத்தியால் நன்றாக சிறு சிறு கோடுகளாக வெட்டி, அதை கையில் உருட்டி வட்ட வடிவில் உருட்டி 1/4 டீஸ்பூன் எண்ணெய் விட்டு மீண்டும் 5 நிமிடங்கள் ஊறவைத்து கொள்ளவும்.

பின்னர் சப்பாத்தி போல் பரத்தி வைக்கவும்.. கையினால் கூட வட்ட வடிவில் பரத்தி வைக்கவும்.பின் ஒரு சப்பாத்தி கடாயில் 1 டீஸ்பூன் எண்ணெய் விட்டு காய்ந்ததும் அதில் பரோட்டாவை போட்டு இரு புறமும் நன்றாக வேகவைத்து எடுக்கவும். இப்போது சூடான சுவையான கோதுமை பரோட்டா ரெடி.

காய்கறி குருமா:- முதலில் தேவையான பொருட்கள் அனைத்தையும் தயாராக எடுத்து வைத்துக் கொள்ளவும்.. வெங்காயம் தக்காளி மற்றும் காய்கறிகளை நறுக்கி வைக்கவும்.. ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் வெங்காயம் தக்காளி வரமிளகாய் இஞ்சி பூண்டு சேர்த்து நன்றாக வதக்கவும்.. கொத்தமல்லி, சீரகம், சோம்பு, பிரியாணி இலை வகைகள் சேர்த்து நன்றாக வதக்கவும்... தேங்காய் நிலக்கடலை சேர்த்து நன்றாக வதக்கவும்..

வறுத்த கலவை நன்றாக ஆறியதும் மிக்ஸியில் போட்டு நன்றாக அரைத்து வைத்துக் கொள்ளவும். வேறு ஒரு கடாயில் 2 டீஸ்பூன் எண்ணெய் விட்டு காய்ந்ததும் அதில் நீளவாக்கில் நறுக்கி வைத்துள்ள பெரிய வெங்காயம் 1/2 சேர்த்து நன்றாக வதக்கவும்.. பின்னர் காய்கறிகளை சேர்த்து நன்றாக வதக்கவும்.. பின்னர் மஞ்சள் தூள், தேவையான அளவு உப்பு சேர்த்து அரைத்த விழுதை சேர்த்து நன்றாக காய்கறி வேக விடவும்...10 நிமிடங்கள் கழித்து சிறிது கொத்தமல்லி இலை தூவி இறக்கவும்..

இப்போது சூடான சுவையான காய்கறி குருமா ரெடி... கோதுமை பரோட்டாவும் காய்கறி குருமா ரெடி.. நன்றி.. ஹேமலதா கதிர்வேல்...கோவை பாசக்கார பெண்கள்.