உருளைக்கிழங்கு 2 தோல் நீக்கி கழுவி குக்கரில் 2 கப் தண்ணீர் விட்டு வேக விடவும். வெந்த உருளைக்கிழங்கை தண்ணீர் வடித்து எடுத்து வைக்கவும்.குடை மிளகாய் 2 நறுக்கி வைக்கவும்.என்னிடம் மஞ்சள் குடை மிளகாய் இருந்தது அதனால் நான் மஞ்சள் 1 மற்றும் பச்சை நிறம் 1 குடைமிளகாயை சேர்த்துக் கொண்டேன். இல்லையென்றால் 2 பச்சை குடை மிளகாயை சேர்க்கலாம்.

தக்காளி 3, முந்திரி 5,பாதாம் 5,மஞ்சள் தூள் 1/2 டீஸ்பூன் மிளகாய் தூள் 1 டீஸ்பூன், சீரகத்தூள் 1 டீஸ்பூன், கரம் மசாலா தூள் 1 டீஸ்பூன் எடுத்து மிக்ஸி ஜாரில் சேர்த்து நைசாக அரைத்து வைக்கவும்.

பெரிய வெங்காயம் 1 தோல் நீக்கி கழுவி பொடியாக நறுக்கி வைக்கவும். இஞ்சி பூண்டு விழுது 1 டேபிள் ஸ்பூன் எடுத்து வைக்கவும்.

கடாயில் 1 டேபிள் ஸ்பூன் ஆயில் விட்டு குடை மிளகாயை 3 நிமிடம் வதக்கவும்.வதக்கி வெந்த உருளைக்கிழங்கிடன் சேர்த்து எடுத்து வைக்கவும். கடாயில் 3 டேபிள் ஸ்பூன் ஆயில் விட்டு சீரகம் 1 டீஸ்பூன் சேர்க்கவும்.

அதில் நறுக்கிய வெங்காயம் சேர்த்து பொன்னிறமாக வதக்கி இஞ்சி பூண்டு விழுது சேர்த்து வதக்கி அரைத்த தக்காளி மசாலா,உப்பு சேர்த்து கிளறி தண்ணீர் விட்டு பச்சை வாசனை போக கொதிக்க விடவும்.

வதக்கிய குடைமிளகாய், வேக வைத்த உருளைக்கிழங்கை சேர்க்கவும். மசாலா காய்களில் எற தண்ணீர் சிறிது விட்டு கொதிக்க விட்டு இறக்கி விடவும்.

சப்பாத்தி மாவு பிசைந்து சப்பாத்தி செய்து குடைமிளகாய் உருளைக்கிழங்கு கறி தொட்டு சாப்பிட சுவையாக இருக்கும்.😋😋