சாதம் உதிராக வடிக்கவும். மாங்காயை துருவி வைக்கவும். வேர்கடலை 3 ஸ்பூன் தோல் நீக்கி எடுத்து வைக்கவும். வாணலில் 3 ஸ்பூன் ஆயில் சேர்த்து சூடானதும் கடுகு உளுந்து கடலைப்பருப்பு சேர்த்து தாளிக்கவும். பெருங்காயத்தூள் சேர்க்கவும் சிவந்ததும் வேர்க்கடலையை சேர்த்து பிரட்டவும். பச்சை மிளகாய் 2 வரமிளகாய் 3 கிள்ளிப் போட்டு வதக்கவும் சிறிதளவு இஞ்சி தட்டி போடவும்.

துருவிய மாங்காய் தேவையான உப்பு மஞ்சள்தூள் சேர்த்து இரண்டு நிமிடம் வதக்கவும்.அடுப்பை சிம்மில் வைத்து உதிராக வடித்த சாதத்தை அதன் மேல் பரவலாக தூவி கருவேப்பிலையும் சேர்த்து நன்கு மெதுவாக கலந்து விடவும். மல்லி இலை தூவி மூடி வைக்கவும். சுவையான மாங்காய் சாதம் தயார். விருப்பப்பட்டால் தாளிக்கும்போது சிறிதளவு சீரகம் சேர்த்து தாளிக்க மிகவும் சுவையாக இருக்கும்.