முதலில் மிக்ஸியில் சர்க்கரை யை பொடித்துக்கொள்ளவும்.

பேக் செய்யும் பாத்திரத்தில் எண்ணை சேர்த்து, அடிபாகத்தில் பட்டர் பேப்பர் போட்டு தயாராக வைக்கவும்.(பட்டர் பேப்பர் இல்லாவிட்டால் எண்ணை தடவி, மாவு தூவி வைக்கவும்)

மிக்ஸியில் பொடித்த சர்க்கரை உடன் அரை கப் எண்ணை, ஒரு கப் பால் சேர்த்து நன்கு பீட் செய்யவும். நல்ல கிரீம் பதம் வரும்.

மிக்ஸியிலிருந்து கலவையை ஒரு அகலமான பாத்திரத்தில் மாற்றி, கொஞ்சம் கொஞ்சமாக மைதாவை சேர்த்து, மீதமுள்ள அரை கப் பால், டூட்டி புரூட்டி சேர்த்து கரண்டியால் கட்டி இல்லாத மாதிரி கலக்கவும்.

கடைசியாக ஈநோ புரூட் சால்ட் கலந்து, உடனே தயாராக வைத்துள்ள பேக்கிங் ட்ரேயில் ஊற்றி, மேலே கொஞ்சம் டூட்டி புரூட்டி தூவி அலங்கரித்து, ப்ரீ ஹீட் செய்த ஓவென் இல் முப்பது நிமிடங்கள் பேக் செய்யவும். (அவரவர் ஓவென்னைப் பொறுத்து பேக்கிங் நேரம் மாறும்)

இடையில் திறந்து பார்த்துக்கொள்ளவும்.

கடாயில் வைப்பதாக இருந்தால் முதலில் சால்ட் சேர்த்து மூடி வைத்து பத்து நிமிடங்கள் ப்ரீ ஹீட் செய்யவும். பின்னர் பேக்கிங் ட்ரே வைத்து நாற்பது நிமிடங்கள் மிக மிதமான சூட்டில் (flame) பேக் செய்யவும். கேக் பேக் ஆனதை டூத் பிக் வைத்து பார்த்து இறக்கவும்.