8 கோவைக்காயை கழுவி இரண்டு நுனிகளையும் நறுக்கி நீளவாக்கில் கோடுகள் போட்டவாறு நறுக்கி வைக்கவும். கடாயில் 3 டீஸ்பூன் ஆயில் விட்டு கோவைக்காய்களை நன்கு வதக்கி வைக்கவும்.

1 துண்டு இஞ்சியை மிக்ஸியில் சேர்த்து அரைத்து வைக்கவும்.1 டீஸ்பூன் தேங்காய் துருவலுடன் 1 டீ ஸ்பூன் கசகசாவை சேர்த்து மிக்ஸியில் ஜாரில் அரைத்து வைக்கவும்.ஒரு தட்டில் சீரகத்தூள் 1/2 டீஸ்பூன் மிளகாய்த்தூள் 1/2 டீஸ்பூன் தனியா தூள் 1/2 டீஸ்பூன் கரம் மசாலா 1/2 டீஸ்பூன் எடுத்து வைக்கவும்.

கடாயில் 2 டீஸ்பூன் ஆயில் விட்டு கடுகு 1 டீஸ்பூன் சீரகம் 1/2 டீஸ்பூன் பிரிஞ்சி இலை 2 சேர்த்து பச்சைமிளகாய் 2 நறுக்கியது வரமிளகாய் 1 கிள்ளியது வதக்கி, அரைத்த இஞ்சி 1 டீஸ்பூன் சேர்த்து வதக்கவும். அரைத்த தேங்காய் கசகசா விழுதை சேர்க்கவும்.தட்டில் எடுத்து வைத்த மஞ்சள் தூள், மிளகாய்த்தூள்,கரம் மசாலா தூள், தனியாத்தூள் சேர்த்து பச்சை வாசனை போக நன்கு வதக்கவும்.

வதக்கி வைத்த கோவைக்காயை சேர்த்து பிரட்டவும். 1 டீஸ்பூன் கடலை மாவை எடுத்து சிறிது தண்ணீரில் கரைத்து வைக்கவும்.

கடலைமாவு தண்ணீரை கோவைக்காயில் சேர்த்து அடுப்பை சிம்மில் வைத்து உப்பு சேர்த்து வேகவிடவும். கடலை மாவு சிறிது கெட்டியானவுடன் தயிர் ஒரு கப் சேர்த்து கலக்கி விடவும்.