முருங்கைக்கீரை கருப்பு உளுந்து கஞ்சி

அரிசி கால் கப் உளுந்து கால் கப் ஆகியவற்றை கழுவி 3 டம்ளர் தண்ணீர் சேர்த்து 10 நிமிடம் ஊறவைக்கவும்

முருங்கைக் கீரையை தண்ணீரில் அலசி ஒரு கப் எடுத்துக் கொள்ளவும். கடாயில் 4 ஸ்பூன் நல்லெண்ணெய் ஊற்றவும்

பின் அதில் சீரகம் வரமிளகாய் மிளகு வெந்தயம் ஆகியவற்றை சேர்த்து வதக்கவும் பின் அதில் கறிவேப்பிலை இஞ்சி பூண்டு விழுது சேர்த்து நன்கு பச்சை வாசனை போகும் வரை வதக்கவும்

பின் அதை முருங்கைக்கீரை சேர்த்து நான்கில் இருந்து ஐந்து நிமிடம் வரை வதக்கவும். பிறகு அதில் ஊறவைத்த அரிசி மற்றும் கருப்பு உளுந்தை சேர்க்கவும். 3 டம்ளர் தண்ணீர் சேர்க்கவும்

தேவையான அளவு உப்பு சேர்த்து 3 விசில் விட்டு இறக்கவும். அதில் ஒரு கப் தேங்காய்ப் பாலை சேர்த்து கிளறவும்.

தேங்காய்ப் பால் சேர்த்து ஒரு கொதி வந்தவுடன் அடுப்பை அணைக்கவும்.சூடாக பரிமாறவும் மிகவும் சுவையான ஆரோக்கியமான முருங்கைக்கீரை கருப்பு உளுந்து கஞ்சி தயார்.