வீட்டிலேயே  சுலபமாக  நெய் தயாரிக்கலாம்

நாம் வீட்டில் வாங்கும் பாலை முதல் நாள் இரவே நன்றாக காய்ச்சி நன்கு ஆறியதும் அதை பிரிட்ஜில் வைக்க வேண்டும்

மறுநாள் காலையில் பாத்திரத்தை எடுத்து பார்த்தால் நன்கு கெட்டியாக ஆடை படிந்திருக்கும் அதனை எடுத்து தனியாக ஒரு டப்பாவில் போட்டு சிறிதளவு தயிர் சேர்த்து ஃப்ரிட்ஜில் வைக்க வேண்டும்

பாலாடை ஓரளவு நன்றாக சேர்ந்ததும் ஒரு மிக்ஸி ஜாரில் அவற்றை போட்டு 4 அல்லது 5 ஐஸ் கட்டிகளையும் அதனுடன் சேர்த்து விட்டு விட்டு அரைக்க வேண்டும் 2 நிமிடம் கழித்து அரை டம்ளர் தண்ணீர் சேர்த்து மீண்டும் அரைக்கும்போது வெண்ணை நன்றாக திரண்டு வரும்

திரண்டு வந்த வெண்ணையை அடுப்பில் ஒரு கடாயை வைத்து காய்ச்ச வேண்டும் வெண்ணை நன்கு வெந்து நெய் உருவாகும் வெண்ணை வேகும்போது வரும் சத்தம் நன்றாக நின்றதும் அடுப்பை அணைக்கவும் வீட்டிலேயே எளிமையாக தயாரித்த சுத்தமான நெய் தயார்