ஒரு கப் சேமியாவை கொதிக்கும் தண்ணீரில் போட்டு ஒரு ஸ்பூன் எண்ணெய் ஊற்றி இரண்டு நிமிடங்கள் வேகவிடவும். பிறகு தண்ணீரை வடிகட்டி விட்டு ஒரு தட்டில் போட்டு 2 நிமிடங்கள் ஆறவிடவும்.

பிறகு ஒரு பாத்திரத்தை எடுத்து அதில் ஆற வைத்த சேமியாவை போட்டு அதில் கடலைமாவு, அரிசி மாவு மிளகாய்த்தூள்,மஞ்சள்தூள் சீரகத்தூள்,பெருங்காயத்தூள், உப்பு, பொடியாக நறுக்கிய வெங்காயம்,பச்சை மிளகாய், கறிவேப்பிலை, கொத்தமல்லி எல்லாவற்றையும் போடவும்.

பிறகு எல்லாவற்றையும் ஒன்று சேர்த்து நன்கு பிசையவும். பிறகு அரை டம்ளர் தண்ணீரை தெளித்து தெளித்து பிசையவும். பிறகு அவற்றை இரண்டு நிமிடம் ஊற வைக்கவும்.

அடுப்பில் கடாயை வைத்து பொரிக்க தேவையான அளவு எண்ணெய் ஊற்றி எண்ணெய் சூடானதும் பக்கோடா மாவை எண்ணெயில் சின்னச் சின்னதாக போட்டு அடுப்பை மிதமான தீயில் வைத்து பொரித்தெடுக்கவும்.

சுவையான சேமியா பக்கோடா தயார்.