முதலில் தேவையான பொருட்கள் அனைத்தையும் தயாராக எடுத்து வைக்கவும்.. பாசுமதி அரிசியை தண்ணீரில் அலசி ஒரு 20 நிமிடங்கள் ஊறவைத்து கொள்ளவும். சோயாவை 5 நிமிடங்கள் சுடு நீரில் போட்டு கொதிக்க விடவும்..நன்கு ஆறியதும் சோயாவை தண்ணீர் இல்லாமல் பிழிந்து வைக்கவும்.ஒரு குக்கரில் 2 டீஸ்பூன் எண்ணெய்,2 டீஸ்பூன் நெய் விட்டு காய்ந்ததும் அதில் முந்திரி, பட்டை வகைகள் சேர்த்து நன்றாக பொரிய விடவும்.

நீளவாக்கில் நறுக்கி வைத்துள்ள பெரிய வெங்காயம் மற்றும் 1 பச்சை மிளகாய் சேர்த்து நன்றாக வதக்கவும்.. இதற்கிடையில் ஒரு மிக்ஸியில் புதினா இலை, கொத்தமல்லி இலை, இஞ்சி,பூண்டு பச்சைமிளகாய்-1 சேர்த்து நன்றாக அரைத்து கொள்ளவும்.(இப்படி அரைத்து சேர்ப்பதால் சோயா உள்ளிலும் மசாலா சேர்த்து சுவை கூடும்). வெங்காயம் வதங்கியதும் தக்காளி சேர்த்து வதக்கவும்.

தக்காளி வதங்கியதும் அதில் அரைத்த விழுதை சேர்த்து நன்றாக வதக்கவும்.. பின்னர் மசாலா தூள் வகைகள் சேர்த்து நன்றாக வதக்கவும்.. தயிர் எலுமிச்சை சாறு சேர்த்து நன்றாக எண்ணெய் விட்டு வரும் வரை வதக்கவும்.பின்னர் சோயாபீன்ஸை சேர்த்து வதக்கவும்.நீரை வடிகட்டி ஊறவைத்த அரிசியை சேர்த்து நன்றாக கலந்து கொள்ளவும்..

பின்னர் 1 1/2 டம்ளர் தண்ணீர் சேர்த்து நன்றாக கொதிக்க விடவும்.. குக்கரில் மூடி போட்டு 2 விசில் வந்ததும் இறக்கவும்.. ஆறியதும் 1 டீஸ்பூன் நெய் விட்டு கலந்து பரிமாறவும். சூடான சுவையான சோயாபீன்ஸ் பிரியாணி ரெடி..அசைவ சுவையில் இருக்கும் சோயாபீன்ஸ் பிரியாணி.. நன்றி. ஹேமலதா கதிர்வேல். கோவை பாசக்கார பெண்கள்.