1/4 கிலோ கோவைக்காய் கழுவி வட்ட வடிவமாக நறுக்கி வைக்கவும்.மிளகாய் தூள் 1 டீஸ்பூன், தனியாத்தூள் 1 டீஸ்பூன் சீரகத்தூள் 1/2 டீஸ்பூன் எடுத்து வைக்கவும். கடாயில் 4 டீஸ்பூன் ஆயில் விட்டு கடுகு 1/2 டீஸ்பூன், சீரகம் 1/2 டீஸ்பூன், மஞ்சள்தூள் 1/4 டீஸ்பூன், 1 சிட்டிகை பெருங்காயம் தாளித்து விடவும்.

அதில் நறுக்கி வைத்த கோவைக்காயை சேர்த்து நன்கு வதக்கி விடவும். அடுப்பை சிம்மில் வைத்து தட்டு போட்டு மூடி 10 நிமிடம் வேக விடவும். சிறிது வதங்கியவுடன் அதில் மிளகாய்த்தூள் தனியாத்தூள், சீரகத்தூள் சேர்த்து நன்கு பிரட்டி மூடி வேகவிடவும். புளி சிறிது தண்ணீரில் ஊற விடவும்.

ஊற வைத்த புளியை கரைத்து 1/4 கப் அளவு புளி தண்ணீர் உப்பு சேர்த்து வேகவிடவும்.

கோவைக்காய் நன்கு வெந்தவுடன் 1 டேபிள்ஸ்பூன் அளவு துருவிய தேங்காயை சேர்த்து இறக்கிவிடவும்.

சுவையான கர்நாடகா தொண்டக்காய் பால்யா ரெடி.😄😄