2வாழைக்காயை தோல் சீவி நறுக்கி தண்ணீரில் 1/2 டீஸ்பூன் மஞ்சள் தூள், உப்பு 1 டீஸ்பூன் மிளகாய்த்தூள் சேர்த்து வேக விடவும். வெந்ததும் தண்ணீரை வடித்து விடவும்.4 பல் பூண்டு 1 பெரிய வெங்காயம் கழுவி தோல் நீக்கி பொடியாக நறுக்கி வைக்கவும். 1 தக்காளியை கழுவி பொடியாக நறுக்கி வைக்கவும்.

1 கப் தேங்காய் துருவல் எடுத்து வைக்கவும். கடாயில் 1டீஸ்பூன் ஆயில் விட்டு 1 டீஸ்பூன் தனியா, 1/2 டீஸ்பூன் சீரகம், 1/2 டீஸ்பூன் வெந்தயம், 4 வர மிளகாய், 4 சின்ன வெங்காயம், 2 பல் பூண்டு வதக்கி மிக்ஸி ஜாரில் சேர்த்து விடவும்.

அதனுடன் துருவிய தேங்காய் 1/2 டீஸ்பூன் மஞ்சள் தூள், சிறிதளவு புளி சேர்த்து மிக்ஸியில் பொடியாக அரைத்து விடவும்.

3 டேபிள்ஸ்பூன் ஆயில் விட்டு 1/2 டீஸ்பூன் கடுகு, 1 டீஸ்பூன் உளுந்து பருப்பு சிறிது கறிவேப்பிலை தாளித்து நறுக்கி வைத்த பூண்டு பெரிய வெங்காயம் சேர்த்து நன்கு வதக்கி விடவும். அதனுடன் நறுக்கிய தக்காளி ஒன்றையும் சேர்த்து நன்கு வதக்கவும்.

வாழைக்காயை சேர்த்து வதக்கி அரைத்து வைத்த பொடியை மேலே தூவி விடவும். நன்கு வதக்கி விடவும்.

அடுப்பை சிம்மில் வைத்து பிரட்டி மூடிவிடவும். இரண்டு முறை திறந்து கிளறி விட்டு நன்கு சுருண்டு வரும் வரை அடுப்பில் வைத்து பிறகு இறக்கி விடவும். சுவையான மங்களூர் ஸ்டைல் வாழைக்காய் சப்ஜி ரெடி😄😄