முதலில் தேவையான பொருட்கள் அனைத்தையும் தயாராக எடுத்து வைக்கவும். சாமை அரிசியை தண்ணீரில் அலசி விட்டு ஒரு 30 நிமிடங்கள் ஊறவைத்து ஒரு குக்கரில் 3 டம்ளர் தண்ணீர் சேர்த்து 3 விசில் விட்டு இறக்கவும். ஒரு கடாயில் 3 டீஸ்பூன் எண்ணெய் விட்டு காய்ந்ததும் அதில் கடுகு சீரகம் கடலைப்பருப்பு சோம்பு சேர்த்து நன்கு பொரிய விடவும். பின்னர் பொடியாக நறுக்கிய இஞ்சி பூண்டு பெரிய வெங்காயம் வரமிளகாய் கறிவேப்பிலை சேர்த்து நன்றாக வதக்கவும்.

பின்னர் பொடியாக நறுக்கிய தக்காளி சேர்த்து வதக்கவும். 1/4 டீஸ்பூன் மஞ்சள்தூள் மற்றும் சாம்பார் பொடி சேர்த்து நன்கு மசியும் வரை வதக்கவும். தேவையான அளவு உப்பு சேர்த்து நன்றாக வதக்கவும்.தண்ணீர் சேர்க்காமல் ஊற்றிய எண்ணெய் பிரிந்து வரும் வரை வதக்கவும். குக்கரில் விசில் ஆறியதும் சாதத்தை ஆறவிடவும்.

பின்னர் சாதத்துடன் தக்காளி கலவையை சேர்த்து நன்றாக கலந்து கொள்ளவும். சிறிது கொத்தமல்லி இலை தூவி பரிமாறவும். இப்போது சூடான சுவையான ஆரோக்கியமான சாமை அரிசி தக்காளி சாதம் தயார். நன்றி. ஹேமலதா கதிர்வேல்.