முதலில் தேவையான பொருட்கள் அனைத்தையும் தயாராக எடுத்து வைக்கவும். ஒரு கடாயில் பாசிப்பருப்பை வறுக்கவும். தீயை மிதமாக வைத்து பொன்னிறமாக வறுத்து எடுக்கவும். நன்றாக ஆறியதும் மிக்ஸியில் போட்டு நன்றாக பொடித்து வைத்துக் கொள்ளவும்.

பாசிப்பருப்பு பொடியுடன் துருவிய தேங்காய் சேர்த்து சிறிது தண்ணீர் சேர்த்து நன்றாக அரைத்து கொள்ளவும். ஒரு கடாயில் அரைத்த விழுதை சேர்த்து நன்றாக கைவிடாமல் கலந்து கொண்டே இருக்கவும். நன்றாக தண்ணீர் வற்றி சுருண்டு வந்ததும் பொடித்த வெல்லத்தை சேர்த்து நன்றாக கலந்து கொள்ளவும்.

இதையும் நன்றாக கலந்து கொண்டே இருக்கவும். மிதமான தீயில் கைவிடாமல் கிளறவும்.ஏலக்காயை தட்டி சேர்த்து நன்கு கலந்து கொள்ளவும்.நன்கு நிறம் மாறி கடாயில் ஒட்டாமல் அல்வா பதத்திற்கு வந்ததும் அடுப்பை அணைத்து விடவும். தேங்காய் திரட்டி பால் ரெடி.இதை நெய்யில் முந்திரி வறுத்து கலந்து அல்வா போலவும் சாப்பிடலாம்.

ஒரு பாத்திரத்தில் நெய் தடவி அதில் தேங்காய் திரட்டு பால் சேர்த்து சமமாக தட்டி வைக்கவும். முந்திரியை சிறிது நெய்யில் வறுத்து அதை தட்டி வைத்துள்ள திரட்டி பால் மீது படத்தில் காட்டியபடி வைத்து நன்றாக ஆறியதும் கத்தியால் தேவையான அளவுக்கு பீஸ் போட்டு பர்பியை எடுக்கவும். சுவையான ஆரோக்கியமான தேங்காய் திரட்டி பால் பர்பி ரெடி. நன்றி. ஹேமலதா கதிர்வேல்.