குக்கரில் 2ஸ்பூன் எண்ணெய் விட்டு சூடானதும் அதில் பிரிஞ்சி இலை, பட்டை, கிராம்பு, சோம்பு சேர்த்து தாளிக்கவும். பின்னர் நீள வாக்கில் நறுக்கிய வெங்காயத்தை சேர்த்து கோல்டன் கலர் வரும் வரை வதக்கவும். பின்னர் 1பச்சை மிளகாய் இஞ்சி பூண்டு சேர்த்து அரைத்த விழுதை சேர்த்து நன்கு பச்சை வாசனை போகும் வரை வதக்கவும்.

பின்னர் பொடியாக நறுக்கிய தக்காளி மற்றும் கல்லுப்பு சேர்த்து நன்கு மசியும் வரை வதக்கவும். பின்னர் அதில் மஞ்சள் மற்றும் மிளகாய் தூள் சேர்த்து 1நிமிடம் வதக்கவும். பின்னர் தயிர் சேர்த்து நன்கு எண்ணெய் பிரிந்து வரும் வரை வதக்கவும்.

பின்னர் அரிசி சேர்த்து அதனுடன் 2கப் அரிசிக்கு 3கப் தண்ணீர் சேர்த்து கிளறவும். அதன் மேல் புதினா கொத்தமல்லி மற்றும் 2ஸ்பூன் நெய் சேர்த்து பின் உப்பு சரி பார்க்கவும். சற்று உப்பின் சுவை அதிகமாக தெரிய வேண்டும்.

பின்னர் 3விசில் வரை விட்டு ஆவி பிரிந்த உடன் குக்கரை திறந்து அதன் மேல் 1ஸ்பூன் நெய் சேர்த்து கிளறி சூடாக பச்சடியுடன் பரிமாறவும்.