1 ஆப்பிள் பழத்தை கழுவி தோல் நீக்கி பொடியாக நறுக்கி மிக்ஸியில் சேர்த்து ஜூஸ் செய்து வைக்கவும்.

4 பேரிச்சம்பழம், 16 காய்ந்த திராட்சை, 2 டேபிள்ஸ்பூன் டூட்டி ஃப்ரூட்டி,50 கிராம் செர்ரி பழம்,3 அத்திப்பழம் பொடியாக நறுக்கி, அரைத்த ஆப்பிள் பழ ஜூஸை சேர்த்து எட்டு மணி நேரம் ஊற விடவும்.150 கிராம் வெண்ணையை எடுத்து வைக்கவும்.

ஒரு கிண்ணத்தில் வெண்ணெய் சேர்த்து நன்கு பீட் செய்து வைக்கவும். அதனுடன் நாட்டுச் சர்க்கரையை சேர்த்து நன்கு பீட் செய்து வைக்கவும்.

தயிர் எடுத்து வைக்கவும். 40 மிலி ஆயில்,90 மிலி தயிர் சேர்த்து நன்கு பீட் செய்யவும்.

200 கிராம் மைதா மாவு எடுத்து வைத்து அதனுடன் 1/2 டீஸ்பூன் பேக்கிங் சோடா, 1 டீஸ்பூன் பேக்கிங் பவுடர் சேர்த்து சலித்து வைக்கவும்.

சலித்த மைதாமாவுடன் 1/2 டீஸ்பூன் உப்பு, 1/4 டீ ஸ்பூன் கிராம்புத்தூள், 1/2 டீஸ்பூன் பட்டை தூள் சேர்த்து விடவும்.

இவை அனைத்தையும் வெண்ணெய் கலவையுடன் சேர்த்து நன்கு பீட் செய்யவும்.2 டேபிள் ஸ்பூன் பாதாம் பவுடர் சேர்க்கவும். நன்கு பிட் செய்யவும். 2 டேபிள் ஸ்பூன் பிஸ்தா, 2 டேபிள் ஸ்பூன் முந்திரி பொடியாக நறுக்கி எடுத்து வைக்கவும்.

ஆப்பிள் ஜூஸில் ஊற வைத்த டிரை ஃப்ரூட்ஸ் மற்றும் நறுக்கிய பிஸ்தா முந்திரி ஆகியவற்றை சேர்த்து நன்கு கலக்கி விடவும். கேக் பேக் செய்யும் கிண்ணத்தில் சிறிது வெண்ணைய், சிறிது மைதா மாவு தூவி டஸ்டிங் செய்யவும்.

கேக் கலவை மாவை பேக் செய்யும் கிண்ணத்தில் ஊற்றி தரையில் வைத்து நன்கு தட்டி விடவும். அடுப்பில் கடாயில் உப்பு சேர்த்து ஸ்டாண்ட் வைத்து சூடேற்றவும்.

கேக் ஊற்றி வைத்த கிண்ணத்தை ஸ்டாண்ட் மேலே வைத்து 30 நிமிடம் மூடி வைத்து வேகவிடவும். 30 நிமிடம் கழித்து ஒரு டூத் பிக் வைத்து குத்தி பார்க்கவும். மாவு ஒட்டாமல் வந்தால் கேக் வெந்து விட்டது.

சிறிது நேரம் ஆற விட்டு ஒரு தட்டில் கமுத்தி விடவும். கேக் பீஸ் போடலாம்.