ஒரு இரும்பு பாத்திரத்தில் எண்ணெய் சேர்த்து சூடாக்கவும். இதில் நறுக்கிய பெரிய வெங்காயத்தை சேர்த்து வதக்கவும். வெங்காயம் பாதி வதங்கியதும் இஞ்சி பூண்டு விழுது, நறுக்கிய தக்காளி சேர்த்து நன்கு மசிய வதக்கவும்.

சுத்தம் செய்து கழுவி எடுத்த கோழி கறியை சேர்த்து, உப்பு மற்றும் மஞ்சள் தூள் சேர்த்து மூடி போட்டு வதக்கி விடவும்.

தண்ணீர் வற்றிய பின் மிளகாய்த்தூள், மல்லித்தூள், கரம் மசாலா, சீரகத்தூள் சேர்த்துக் கலக்கி விடவும். கோழிக்கறி வேக தேவையான அளவு தண்ணீர் சேர்த்து மூடி வைக்கவும்.

முழுமையாக கறி வெந்த பின் ஒரு மேஜைக்கரண்டி மிளகுத்தூள் சேர்த்து, நறுக்கிய கொத்தமல்லி இலைகள் மற்றும் கருவேப்பிலை சேர்த்து கலந்து விடவும். மிகவும் சுவையான பெப்பர் சிக்கன் தயார்.