ஒரு ஆழாக்கு சீரக சம்பா அரிசியை 2முறை கழுவி இரண்டரை டம்ளர் நீர் விட்டு 20 நிமிடம் ஊற வைக்கவும். ஒரு கப் வெள்ளை கொண்டைக்கடலையை 8 மணிநேரம் நன்கு ஊற வைக்கவும். ஒரு பெரிய வெங்காயம் தக்காளி பொடியாக நறுக்கவும்.

குக்கரை அடுப்பில் வைத்து ஒரு குழிக்கரண்டி எண்ணெய்,சிறிது நெய் விட்டு, ஏலக்காய் பட்டை கிராம்பு போட்டு தாளிக்கவும். வெங்காயம் தக்காளி இஞ்சி பூண்டு பேஸ்ட் சேர்த்து வதக்கவும். ஊற வைத்த கொண்டைக் கடலை, பச்சைப் பட்டாணிசேர்த்து நன்கு வதக்கவும்.சிவப்பு மிளகாய் தூள் ஒரு ஸ்பூன், தனியா தூள் ஒரு ஸ்பூன், அரை ஸ்பூன் மஞ்சள் தூள், தேவையான உப்புசேர்த்து நன்கு சுருள வதக்கி ஊற வைத்த அரிசியை சேர்த்து அடுப்பை சிம்மில் வைத்து மூன்று விசில் விடவும்.

புதினா மல்லி இலை சிறிதளவு தூவி கிளறிவிடவும்.முந்திரி வறுத்து சேர்க்கவும். சுவையான சன்னா பிரியாணி தயார்.தயிர் பச்சடி உடன் சாப்பிட மிகவும் சுவையாக இருக்கும். நீங்களும் செய்து பாருங்கள்.