உருளைக்கிழங்கு குருமா (Urulaikilanku kuruma recipe in tamil)

தேங்காய், பட்டை, கிராம்பு சோம்பு, கசகசா, பூண்டு போட்டு போன்றவற்றை ஒரு மிக்ஸி ஜாரில் போட்டு அரை டம்ளர் தண்ணீர் ஊற்றி விழுதாக அரைத்து எடுத்துக் கொள்ளவும்.

அடுப்பில் ஒரு கடாயை வைத்து இரண்டு ஸ்பூன் எண்ணெய் ஊற்றி எண்ணெய் சூடானதும் பட்டை கிராம்பு சோம்பு போட்டு தாளிக்கவும். பிறகு கறிவேப்பிலை பச்சைமிளகாய், வெங்காயத்தை போட்டு வதக்கவும். பிறகு பொடியாக நறுக்கிய தக்காளியைப் போட்டு தேவையான அளவு உப்பு போட்டு வதக்கவும்.

பிறகு அதில் மல்லித்தூள், மிளகாய் தூள்,மஞ்சள் தூள், சிக்கன் மசாலா போட்டு ஒரு நிமிடம் வதக்கவும்.பிறகு வேக வைத்து தோலுரித்த உருளைக்கிழங்கு துண்டுகளை அதில் போட்டு ஒரு கிளறு கிளறவும்.

பிறகு அரைத்து வைத்த தேங்காய் விழுதை அதில் ஊற்றி இரண்டு டம்ளர் தண்ணீர் ஊற்றி 5 நிமிடம் கொதிக்க விடவும்.