தேங்காய்ப்பால் தேன்குழல் முறுக்கு

1/4 கப் துருவிய தேங்காயை மிக்ஸியில் சேர்த்து சிறிது தண்ணீர் விட்டு நைஸாக அரைத்து விடவும். வடிகட்டி வைத்து தேங்காய் பாலை வடித்து எடுத்து வைக்கவும்.

வடித்து எடுத்து வைத்த தேங்காய் பாலுடன் அரைத்த முறுக்கு மாவு, (ஒரு கப் பச்சரிசி, 1/4கப் வறுத்து உளுந்து பருப்பு, 1 டேபிள்ஸ்பூன் பொட்டுக்கடலை மிஷினில் கொடுத்து அரைத்து வைக்கவும்). அரைத்த முறுக்கு மாவை சலித்து வைக்கவும்.உப்பு, வெள்ளை எள்ளு, 1 பின்ச் பெருங்காயத்தூள் சேர்த்து பிசைந்து வைக்கவும். தேன்குழல் முறுக்கு அச்சு வைத்து மாவை நிரப்பி விடவும்.

கடாயில் எண்ணெயை காயவைத்து தேன்குழல் தேங்காய்ப்பால் முறுக்கு பிழிந்து விடவும். இருபுறமும் பொன்னிறமான சுட்டு எடுக்கவும். எண்ணெய் நன்கு வடிந்தவுடன் எடுத்து பரிமாறவும்.