பாரம்பரிய வெந்தயக் கீரை குடல் குழம்பு

இந்த பாத்திரத்தில் எண்ணெய் சேர்த்து சூடானதும் வெங்காயத்தை கொரகொரப்பாக அரைத்து சேர்த்து நன்கு வதக்கவும்.

பிறகு இஞ்சி பூண்டு விழுது சேர்த்து 2 நிமிடம் வதக்கவும். சுத்தம் செய்து தண்ணீர் வடித்த ஆட்டுக்குடல் ஐ சிறிய துண்டுகளாக்கி இந்தப் பாத்திரத்தில் சேர்க்கவும். கூடவே உப்பு மற்றும் மஞ்சள் தூள் சேர்த்து நன்கு வதக்கவும்.

இதில் உருளைக்கிழங்கை தோல் சீவி துண்டுகளாக்கி சேர்க்கவும். கூடவே மிளகாய் தூள் மற்றும் மல்லித் தூள் சேர்த்து கலந்து விடவும். வெந்தயக் கீரையை சுத்தம் செய்து கழுவி தண்ணீர் வடித்து இதில் சேர்க்கவும்.

இதனை நன்கு கலந்து மூடி போட்டு சிறு தீயில் வேகும் வரை வேக வைக்கவும். தேவைப்பட்டால் உப்பு சேர்த்துக்கொள்ளவும்.

குடல் வெந்தபின் தக்காளி மற்றும் தேங்காயை அரைத்து குழம்பில் சேர்க்கவும். கரம் மசாலாத்தூள் சேர்த்து கலக்கவும்.

மூடி போட்டு குழம்பு தளதளவென்று கொதித்த பின் அடுப்பை அணைக்கவும். பாரம்பரியமான கீரை சேர்த்த குடல் குழம்பு மிகவும் ருசியாக இருக்கும். இதை சாப்பாடு புலாவ் பரோட்டா சப்பாத்தி நாண் போன்ற பல வகையான உணவுகள் உடன் பரிமாறலாம்.