செட்டிநாடு மணத்தக்காளி கீரை சூப்

மணத்தக்காளிக் கீரையை நன்றாக சுத்தம் செய்து எடுத்துக் கொள்ளவும். அடுப்பில் ஒரு குக்கரில் அரிசி கழுவிய அதாவது (கழனி தண்ணீர்)ஒரு கப் ஊற்ற வேண்டும். தண்ணீர் கொதித்தவுடன் ஒன்றிரண்டாக நச்சு இஞ்சியை போடவும்.

8 பூண்டு பல்லை ஒன்றிரண்டாக நச்சு அதேபோல் சின்ன வெங்காயத்தையும் நச்சு கொள்ளவும். அதோடு தக்காளி சேர்க்கவும்.

மஞ்சள் தூள், சோம்புத் தூள், சீரகத்தூள், போடவும்.

அதோடு மணத்தக்காளி கீரையை சேர்த்து, தேவையான அளவு உப்பு போட்டு, மிளகு தூள் ஒரு ஸ்பூன் போடவும். குக்கரை மூடி 2 விசில் வைக்கவும்.

விசில் அடங்கியதும் திறந்து ஒரு கொதி வந்தவுடன் தேங்காய் பால் ஊற்றவும். தேங்காய்ப்பால் எடுப்பதற்கு தேங்காய் துருவலை மிக்ஸி ஜாரில் போட்டு அரைத்து, வடிகட்டி எடுத்துக் கொள்ளவும்.

சூப் கொதித்தவுடன் தேங்காய் பாலை ஊற்றி உடனே அடுப்பை அணைத்து ஒரு பாத்திரத்தில் பரிமாறவும். சுவையான மணத்தக்காளி சூப் ரெடி.