நாட்டு கோழி குழம்பு(nattu koli kulambu recipe in tamil)

குக்கரில் எண்ணெய் ஊற்றி சோம்பு, பிரியாணி இலை, பட்டை, கிராம்பு, ஏலக்காய், காய்ந்த மிளகாய் சேர்த்து வதக்கவும். சின்ன வெங்காயம், கறிவேப்பிலை சேர்த்து பொன்னிறமாக வதக்கவும்.

இஞ்சி பூண்டு விழுது சேர்த்து பச்சை வாசனை போக வதக்கி தக்காளி சேர்த்து வதக்கவும். தக்காளி நன்கு மசித்து வந்த பிறகு மல்லி தூள் சேர்த்து கலந்து விடவும்.

பிறகு இதில் நாட்டு கோழி சேர்த்து கலந்து விடவும். மிக்ஸியில் சின்ன வெங்காயம் 10, சீரகம், மிளகு, 4 கறிவேப்பிலை, 1/2ஸ்பூன் சோம்பு, பச்சை மிளகாய் சேர்த்து பேஸ்ட் போல் அரைத்து எடுத்து கொள்ளவும்.

அரைத்த பேஸ்டை குக்கரில் சேர்த்து கலந்து விட்டு தேவையான அளவு தண்ணீர்,உப்பு சேர்த்து காரம் சரிபார்த்து கொள்ளவும்.

மிக்ஸியில் தேங்காய் துருவல், முந்திரி பருப்பு சேர்த்து பேஸ்ட் போல் அரைத்து இதில் ஊற்றி கலந்து விட்டு தேவையான தண்ணீர் ஊற்றி கொத்தமல்லி இலை தூவி குக்கரை மூடி வைத்து 8 விசில் விட்டு இறக்கவும்.

விசில் போனதும் சிறிதளவு கறிவேப்பிலை கொத்தமல்லி இலை தூவி பரிமாறவும். சூப்பரான நாட்டு கோழி குழம்பு தயார். நன்றி