காலிஃப்ளவரை கொதிக்கும் தண்ணீரில் உப்புடன் சேர்த்து 1நிமிடம் கொதிக்க விட்டு வடிகட்டி வைக்கவும். ஒரு வாணலியில் நெய் விட்டு சோம்பு, தனியா, கசகசா, முந்திரி, பட்டை, இலவங்கம், ஏலக்காய், வெங்காயம், தக்காளி, இஞ்சி, பூண்டு சேர்த்து நன்கு வதக்கி ஆறவிட்டு நைசாக அரைத்து வைக்கவும்.

ஒரு வாணலியில் எண்ணை விட்டு காய்ந்ததும் பொடியாக கட் செய்த வெங்காயம் சேர்த்து நன்கு வதக்கவும்.இதில் கேரட், பச்சைப்பட்டாணி, உருளைக்கிழங்கு சேர்த்து 2 நிமிடம் வதக்கவும், பின் காலிஃப்ளவரை சேர்த்து 1 நிமிடம் வதக்கவும். பின் இதனுடன் அரைத்த விழுதை சேர்த்து சிறிது தண்ணீர் சேர்த்து கலந்து மூடி 10நிமிடம் சிம்மில் வேக வைக்கவும்.

தேங்காய் துருவல், பொட்டுக்கடலை சேர்த்து நைசாக அரைத்து எடுத்துக் கொள்ளவும். காய்கள் வெந்ததும் அரைத்த விழுதை சேர்த்து சிறிது தண்ணீர் சேர்த்து மூடி 5 நிமிடம் வேக வைக்கவும். கடைசியில் மீதமுள்ள நெய், கொத்தமல்லித்தழை சேர்த்து கலந்து 2 நிமிடம் சிம்மில் வைத்து வேக வைத்து இறக்கவும்.