દાળ અને ચોખા ધોઈને આઠ કલાક માટે પાણીમાં પલાળી રાખો. વધારાનું પાણી નિતારી મિક્સરમાં ક્રશ કરી ખીરું તૈયાર કરો.

આ મિશ્રણમાં દહીં ઉમેરી બરાબર મિક્સ કરી લઈએ ૬ થી ૮ કલાક આથો લાવવા મૂકી દેવું.

આથો આવી જાય એટલે તેમાં ઘઉંનો કરકરો લોટ, ઝીણી સમારેલી મેથી ની ભાજી, દૂધી ની છીણ,આદુ-મરચા-લસણની પેસ્ટ, હળદર, મીઠું, મરચું, ધાણાજીરું પાવડર, ગોળ બધું બરાબર મિક્સ કરી લેવું. તેમા અથાણાનો મેથીયો મસાલો પણ મિક્સ કરવો.

આ મિશ્રણને અડધો કલાક માટે ઢાંકીને રાખી દેવું જેથી બધા મસાલા બરાબર ભળી જાય. તેમાં ખાવાનો સોડા ઉમેરીને બરાબર ફેંટી લેવું.

જાડા તળિયાવાળી એક કડાઈમાં તેલ મૂકી તેમાં રાઈ મેથી ના દાણા જીરું અને હિંગ ઉમેરી દેવી. રાઈ તતડી જાય એટલે લાલ સૂકા મરચાં, મીઠા લીમડાના પાન અને તલ ઉમેરી તૈયાર કરેલ મિશ્રણ નું જાડું થર પાથરી દેવું.

મધ્યમ આંચ પર તેને ઢાંકણું ઢાંકીને ચડવા દેવું. એક તરફ ચડી જાય એટલે સાવચેતીથી પલટાઈ લઈ બીજી તરફ પણ ચડવા દેવું.

બંને તરફ પડ કડક થાય ત્યાં સુધી ચઢવા દેવું જેથી મિશ્રણ પૂરેપૂરું ચડી જાય.