કડાઈમાં દૂધ નાખીને મીડીયમ આંચ પર રાખો. જ્યારે દૂધમાં ઉભરો આવે અને મલાઈ જામી જાય ત્યારે કઢાઈ ગેસ પરથી ઉતારી લો.

હવે એક બે મિનિટ સુધી દૂધને હલાવો અને ઠંડુ કરો આમ કરવાથી રસગુલ્લા સોફ્ટ બને છે.

જ્યારે દૂધ ઠંડુ થઈ જાય તો તેમાં લીંબુનો રસ નાખો અને થોડું હલાવી છોડી દો. ધ્યાન રાખો કે લીંબુનો રસ નાખ્યા પછી દૂધ વધારે હલાવવાનું નથી.

જ્યારે દૂધ ઉપર ફોડા સારી રીતે બની જાય એટલે તેને સરસ રીતે હલાવી નાખો.

ત્યારબાદ એક કાણાવાળા વાસણની ઉપર સુતરાઉ કપડું પાથરી ફાટેલા દુધ ને તેની અંદર રેડો. આમ કરવાથી પાણીનો બધો ભાગ નીકળી જશે અને દૂધ નો માવો જ રહી જશે. પછી સુતરાઉ કપડામાં બચેલા માવા પર ઠંડું પાણી રેડી તેની પોટલી બનાવી બધું પાણી નીતરી દો. હવે પોટલી ને ફીટ બાંધી વધુ પાણી નિતારી એક જગ્યા પર મુકી રાખો.

હવે એક વાસણમાં પાણી લઈ તેમાં ખાંડ ઉમેરી મીડીયમ ગેસ પર મૂકી ઉકાળો. હવે દૂધના તૈયાર કરેલા માવાને એક પ્લેટમાં કાઢો. હવે તેને હળવા હાથેથી મસળો. જ્યારે માવો રસગુલ્લા બનાવવા માટે તૈયાર થઇ જશે તો તેમાં ચિકાસ આપોઆપ પકડાઈ જશે. એટલે આપણો માવો તૈયાર છે.

હવે ચાસણી ગેસ ફાસ્ટ કરી એક બે મિનિટ માટે થવા દો. ત્યારબાદ ગેસ ધીમો કરી માવામાંથી એક એક નાના બોલ વાળી ગરમ ચાસણીમાં નાખો. બધા જ રસગુલ્લા નંખાઈ જાય પછી કઢાઈ નું ઢાંકણ બંધ કરી ૧૫ મિનિટ સુધી ધીમા તાપે થવા દો.

હવે તેમાં કેવડાનું જળ નાખો જેથી સુગંધ સરસ આવશે. હવે ગેસ બંધ કરી રસગુલ્લા ઠંડા પડે ત્યારબાદ બેંગોલી રસગુલ્લાની સર્વ કરો.