Awara

Za'a gyara waken soya a cire duk datti da tsakuwa a wanke shi sai a markada shi yayi laushi.

Daga an markada sai a zuba manja cokali daya shi zai hana kumfar waken, a tace da abin tata sai a dora a wuta.

Idan ya kusa tafasa sai a bude tukunya don kar ya zuba, idan ya tafasa sai a zuba ruwan tsami ya cigaba da dahuwa, a hankali za'a ga yana hadewa.

Za'a grating attaruhu da albasa sai a zuba awarar ta hade tare da shi.

Idan ta gama hadewa sai a kawo abin tata a kwashe a cike a bar shi ya tsane, idan ta huce sai a yanyanka.

Idan ana kwashe za'a iya barbada gishiri a ciki ko kuma kafin a soya bayan an yanka a zuba a cikin ruwan gishiri.