प्रथम नारळ फोडून घेतला, मग नारळ किसून घेतला. आणी त्यात गूळ किसून घातला.

मग गॅसवर एक कढई ठेवली. कढई थोडी गरम झाल्यावर त्यात थोडे तूप घालून किसलेले खोबरे व गूळ घालून मंद गॅसवर शिजवून घेतले. ते शिजवताना त्यात एक छोटा चमचा वेंलची पावडर, व अर्धा चमचा जायफळ पावडर घालून चांगले ढवळून घेतले. तयार झालेले मिश्रण एका बाउल मध्ये काढून घेतले.

नंतर गॅसवर एका पातेल्यात दोन पेले पाणी घालून ते गरम करण्यास ठेवले. पाण्याला उकळी आल्यावर त्यात थोडे मीठ, तूप घालून त्यावर तांदळाचे पीठ घालून, थोडे
ढवळून पातेल्यावर झाकण ठेवून, एक वाफ आल्यावर, गॅस बंद करून, पाच मिनिटानंतर ते पीठ थोडे थोडे घेतले. मग पीठ चांगले मळून त्याची वाटी करून घेतली. नंतर त्यात गूळ खोबऱ्याचे सारण घालून, करंजीला छान मुरड घालून घेणे. अश्याप्रकरे सर्व करंज्या करून घेतलया.

मग मोदक पात्रात पाणी घालून,पाण्याला ऊकळी आल्यावर, तयार करून घेतलेल्या करंज्या मोदक पात्रात ठेवून शिजवून घेतलया.

नंतर मोदक पात्रातून करंज्या काढून घेतल्या. आणि देवासाठी नैवेद्य दाखवून करंजी प्रसादाचा घरातील सगळयांनी छान आस्वाद घेतला.