સૌ પ્રથમ અરવીની ગાંઠ પાણીથી સાફ કરી, છાલ ઉતારી નાંખો,કાંટા વાળી ચમચી થી હોલ કરી અધકચરા બાફી લો. તેલ મૂકી શેલો ફ્રાય કરી લો (તેને ફ્રાય પણ કરી શકાય છે)

સીંગદાણા, વરીયાળી, આખા ધાણા, કાજુ,તલ,જીરું, મગજતરી ના બી, લવિંગ, મરી અને એલચો ને એક ચમચી ઘી મૂકી અને શેકી લો, ઠંડુ થાય ત્યારબાદ મિક્ષર માં ક્રશ કરી પાઉડર બનાવો.

એક કડાઈમાં ઘી અને તેલ મૂકી તેમાં જીરું,આખું લાલ મરચું,તમાલપત્ર, આદુ અને લસણની પેસ્ટ નો વઘાર કરો. ત્યારબાદ તેમાં ડુંગળીને સાંતળો. ડુંગળી સંતળાઈ ગયા બાદ તેમાં બનાવેલો મસાલો નાંખી, મસાલાને સુગંધ આવે ત્યાં સુધી ધીમા ગેસ પર શેકો. ત્યારબાદ તેમાં ટામેટાની ગ્રેવી નાખો.

આ બધું સરસ રીતે મિક્સ કરી તેમાં લાલ મરચું પાઉડર,હળદર,ધાણાજીરું પાઉડર, અને મીઠું નાખી મિક્સ કરો. તેલ છૂટું પડે ત્યાં સુધી તેને હલાવતા રહો. તેલ છૂટું પડે ત્યારે બાદ તેમાં મોળું દહીં નાખી મિક્સ કરો. પછી તેમાં અરવી ઉમેરો.