સૌ પ્રથમ અળવીને ખુબ સરસ રીતે ધોઈ લેવી જેથી કરીને એના ઉપરની બધી માટી નીકળી જાય. હવે એને 15 મિનિટ માટે ઉકળતા પાણીમાં પકાવવી. અળવી બરાબર ચડી જવી જોઈએ પરંતુ વધારે બફાઈ ના જાય એનું ખાસ ધ્યાન રાખવું નહીંતર વધારે પડતી ચીકણી લાગશે. હવે એને ઠંડી થવા દહીં એની છાલ ઉતારી લેવી, ત્યારબાદ તેને ગોળ ટુકડામાં કાપી લેવી.

હવે એક પેન મા 2 ટેબલ સ્પૂન તેલ ગરમ થવા મુકવું, તેલ ગરમ થાય એટલે તેમાં અળવી ઉમેરીને મીડીયમ થી હાઈ હિટ પર બંને બાજુથી ગોલ્ડન રંગની થાય ત્યાં સુધી ફ્રાય કરી લો. ત્યારબાદ એને વાસણમાં લઈ લેવી.

હવે એ જ પેનમાં બીજું 2 ટેબલ સ્પૂન તેલ ઉમેરીને જીરું અને અજમો ઉમેરવા. હવે તેમાં હિંગ, ઝીણા સમારેલા લીલા મરચા ના ટુકડા અને આદુની પેસ્ટ ઉમેરીને થોડી સેકન્ડ માટે કૂક કરી લો.. હવે તેમાં હળદર પાઉડર, લાલ મરચું પાઉડર, ધાણાજીરૂ પાઉડર, ગરમ મસાલો, આમચૂર પાઉડર અને મીઠું ઉમેરીને મિક્સ કરી લો. હવે તેમાં અળવી ના ટુકડા ઉમેરીને બધું બરાબર મિક્સ કરી લો.

હવે આપણું ચટપટું અળવી મસાલા નું શાક તૈયાર છે સર્વ કરવા માટે. આ અળવીનું સૂકું શાક રોટલી, દાળ અને ભાત સાથે ખૂબ જ સ્વાદિષ્ટ લાગે છે.